Home ក្រសួងធនធានទឹកអំពាវនាវដល់ប្រជាពលរដ្ឋឱ្យមានការប្រុងប្រយ័ត្នខ្ពស់ចំពោះជំនន់ទឹកភ្លៀងច្រើនហួសកម្រិត ដោយB12 TV -September 20, 2022 ថ្ងៃទី ២០ ខែ កញ្ញា ឆ្នាំ ២០២២ក្រសួងធនធានទឹក និងឧតុនិយមអំពាវនាវដល់ប្រជាពលរដ្ឋ ឱ្យមានការប្រុងប្រយ័ត្នខ្ពស់ ចំពោះជំនន់ទឹកភ្លៀងច្រើនហួសកម្រិត ចាប់ពីថ្ងៃទី២១ដល់២៧ ខែកញ្ញា ឆ្នាំ២០២២។ យោងតាមសេចក្តីជូនដំណឹងរបស់ក្រសួងធនធានទឹក និងឧតុនិយម បានឱ្យដឹងថា សម្ពាធខ្ពស់នៅលើប្រទេសចិន បានរុញច្រានប្រព័ន្ធសម្ពាធទាប (ITCZ) រំកិលចុះមកក្រោម អូសបន្លាយកៀកមកលើតំបន់ជួរភ្នំដងរែក និងខ្ពង់រាបភាគឦសានកម្ពុជា ។ ដំណាលគ្នានោះ ខ្យល់មូសុងនិរតីបក់ក្នុងល្បឿនពីខ្សោយទៅបង្គួរ ។ ស្ថានភាពបែបនេះ នឹងធ្វើឱ្យក្នុងរយៈពេលមួយសប្តាហ៍ទៅមុខ ដូចជាតំបន់ទំនាបកណ្តាលសីតុណ្ហភាពអប្បបរមា មានពី ២៣-២៥ °C,សីតុណ្ហភាពអតិបរមា មានពី ៣២-៣៤°C នឹងអាចមានភ្លៀងក្នុងកម្រិតពីមធ្យមទៅច្រើន លាយឡំទៅដោយផ្គរ រន្ទះ និងខ្យល់កន្ត្រាក់ ។ តំបន់ខ្ពង់រាបសីតុណ្ហភាពអប្បបរមា មានពី ២២-២៤ °C,សីតុណ្ហភាពអតិបរមា មាន ៣១-៣៣ °C នឹងអាចមានភ្លៀងក្នុងកម្រិតមធ្យមទៅច្រើន ក្នុងនោះផ្នែកមួយចំនួននៃបណ្តាខេត្ត នៅក្នុងភូមិសាស្ត្រជាប់នឹងជួរភ្នំដងរែក និងខ្ពង់រាបភាគឦសាន អាចមានភ្លៀងធ្លាក់ខ្លាំង លាយឡំទៅដោយផ្គរ រន្ទះ និងខ្យល់កន្ត្រាក់ និងតំបន់មាត់សមុទ្រ ៖ សីតុណ្ហភាពអប្បបរមា មានពី ២២-២៤ °C ,សីតុណ្ហភាពអតិបរមា មានពី ២៩-៣១ °Cនឹងអាចមានភ្លៀងក្នុងកម្រិតពីមធ្យមទៅបង្គួរ លាយឡំទៅដោយផ្គរ រន្ទះ និងខ្យល់កន្ត្រាក់ ។ យោងលើស្ថានភាពធាតុអាកាសដូចបានជម្រាបជូនខាងលើ ក្រសួងធនធានទឹកសូមអំពាវនាវដល់អាជ្ញាធរដែនដី និងសាធារណជន ឱ្យមានការប្រុងប្រយត្ន័ចំពោះជំនន់ដែលអាចកើតមកពីបរិមាណទឹកភ្លៀងច្រើនហួសកម្រិត (Overflow)និងជំនន់ទឹកភ្លៀង ( Flash Flood) ដែលនឹងបន្តធ្លាក់បន្ថែមថ្មីផ្ទួនៗទៀត ជាពិសេសនៅក្នុងភូមិសាស្ត្រនៃតំបន់ជាប់ជួរភ្នំ , ទំនាបជាប់ក្បែរផ្លូវទឹក និងភូមិសាស្ត្រជាប់ព្រំដែនថៃ ៕